ကမ္ဘာပေါ်မှာ တစ်ခုတည်းရှိတဲ့ စိတ်ကူးယဉ်ဆန်ဆန် ရေအောက်ပန်းခြံ

ကမ္ဘာပေါ်မှာသာယာလှပတဲ့ ပန်းခြံတွေ၊ အမျိုးသားဥယျာဉ်တွေအများအပြားရှိပါတယ်။ ဒါပေမယ့်အခုဖော်ပြမယ့် ပန်းခြံလိုမျိုးတော့ ပုံစံတူနောက်ထပ်ပန်းခြံတစ်ခု ကမ္ဘာပေါ်မှာရှိမယ်မထင်ပါဘူး။ ဘာကြောင့်လဲဆိုတာကို ဆက်လက်ဖတ်ရှုကြည့်လိုက်ရအောင်နော် ….. shwekhitonlinetv.com

ဥရောပတိုက်အလယ်ပိုင်းက သြစတြီးယားနိုင်ငံမှာရှိတဲ့ Green Lake Park ဆိုတဲ့ပန်းခြံဟာ ဆောင်းရာသီဆို ရင် သာမန်ပန်းခြံတစ်ခုဖြစ်ပြီး နွေရာသီရောက်ရင်တော့ ရေအောက်ပန်းခြံကြီးဖြစ်သွားပါတယ်။ ဘာကြောင့်လဲဆိုတော့ နွေရာသီရောက်တဲ့အခါဆိုရင် ဒီပန်းခြံတစ်ခုလုံးဟာ ရေအောက်ထဲမှာနစ်မြုပ်သွားလို့ပဲဖြစ်ပါတယ်။ shwekhitonlinetv.com

Hochschwab တောင်ခြေမှာရှိတဲ့ တစ်မီတာခန့်သာနက်တဲ့ မြစိမ်းရောင်ရေတိမ်ကန် (Lagoon) လေးဟာ နွေရာအချိန်ကာလကိုရောက်တဲ့အခါမှာတော့ အနီးနားက ရေခဲတောင်တွေမှာရှိတဲ့ ဆီးနှင်းတွေအရည်ပျော်ကျလာရာကနေ (၁၂) မီတာ (ပေ ၄၀) လောက်နက်တဲ့ ရေကန်ကြီးတစ်ခုအဖြစ် အသွင်ပြောင်းသွားလေ့ရှိပါတယ်။ shwekhitonlinetv.com

ဒါကြောင့်ပဲ ပန်းခြံထဲမှာရှိတဲ့ သစ်ပင်၊ ထိုင်ခုံ၊ လမ်း၊ တံတား၊ မြက်ခင်းတွေအားလုံး ဟာလည်း ရေအောက်ကိုနစ်မြုပ်သွားပြီး ရေအောက်ပန်းခြံတစ်ခုအဖြစ် အသွင်ပြောင်းသွားတာဖြစ်ပါတယ်။ ဆောင်းဦးကာလရောက်ရင်တော့ ရေတွေပြန်ကျသွားပြီး ပုံမှန်ရေတိမ်ကန်လေးပြန်ဖြစ်သွားပါတယ်။ shwekhitonlinetv.com

ဒီလိုနဲ့ Green Lake Park ဟာ နှစ်စဉ်နှစ်တိုင်း ဆောင်းရာသီဆိုပုံမှန်ပန်းခြံ နွေရာသီဆိုရေအောင်ပန်းခြံ စသဖြင့် တစ်လှည့်စီဖြစ်ပေါ်နေပါတော့တယ်။ ရေအောက်ရောက်သွားချိန်မှာတော့ အရမ်းလှပပြီး စိတ်ကူးယဉ်ဆန်တဲ့ ရေအောက်ကမ္ဘာလေးတစ်ခုနဲ့တူလို့ Underwater Wonderland လို့တောင် လူအများကတင်စားခေါ်ဝေါ်ကြပါတယ်။ shwekhitonlinetv.com