မီးရထားတွေဆိုတာသယ်ယူပို့ဆောင်ရေးကဏ္ဍအတွက်အလွန်အရေးပါတဲ့ အရာတွေဖြစ်ပါတယ်။ ဘာကြောင့်လဲဆိုတော့ မီးရထားတွေက ကုန်စည်ပဲဖြစ်ဖြစ် ခရီးသည်တွေကိုပဲဖြစ်ဖြစ်ကုန်ကျစရိတ်သက်သာစွာနဲ့ အရေအတွက်များများကိုတစ်ခါတည်း တစ်နေရာကတစ်နေရာကို ပို့ဆောင်ပေးနိုင်လို့ဖြစ်ပါတယ်။ shwekhitonlinetv.com
![](https://i0.wp.com/www.shwekhitonlinetv.com/wp-content/uploads/2023/11/Rio_Tinto_Pilbara_train.jpg?resize=678%2C452&ssl=1)
အခုတစ်ခေါက်မှာတော့ ကမ္ဘာပေါ်မှာမြင်တွေ့ခဲ့ရဖူးသမျှမီးရထားတွေထဲကမှ အရှည်ဆုံးမီးရထားအဖြစ်မှတ်တမ်းဝင်ခဲ့တဲ့ မီးရထားကြီးတစ်စင်းအကြောင်းကို ရွှေခေတ်ပရိသတ်တွေအတွက် ဗဟုသုတအဖြစ်ပြန်လည်ဖော်ပြပေးချင်ပါတယ်။ shwekhitonlinetv.com
![](https://i0.wp.com/www.shwekhitonlinetv.com/wp-content/uploads/2023/11/Port_Hedland_Western_Australia.jpg?resize=678%2C509&ssl=1)
ဒီမီးရထားကြီးကတော့ သြစတြေးလျနိုင်ငံကဖြစ်ပြီး BHP လို့အမည်ပေးထားပါတယ်။ ဒီမီးရထားကြီးရဲ့အဓိကတာဝန်ကတော့ သြစတြေးလျအနောက်ပိုင်းက Pilbara ဒေသမှာ သံရိုင်းတွေကို သယ်ယူပို့ဆောင်ပေးဖို့ပဲဖြစ်ပါတယ်။ shwekhitonlinetv.com
![](https://i0.wp.com/www.shwekhitonlinetv.com/wp-content/uploads/2023/11/15412241689_de59bb75e2_k-1024x601-1.jpg?resize=678%2C398&ssl=1)
ဒီမီးရထားကြီးဟာ ပက်လက်ကုန်တင်တွဲပေါင်း (၅၂၀) ကနေ (၆၀၀) ကျော်အထိတင်ဆောင်ခုတ်မောင်းလေ့ရှိပါတယ်။ တွဲစင်းပေါင်း (၆၆၄) တွဲ ကို အများဆုံးအနေနဲ့ ချိတ်ဆက်ခုတ်မောင်းခဲ့ဖူးပြီး အဲ့ဒီတုန်းက ဒီမီးရထားကြီးရဲ့ အရှည်ဟာ (၄.၆) မိုင်လောက်ထိရှိခဲ့ပါတယ်။ shwekhitonlinetv.com
![](https://i0.wp.com/www.shwekhitonlinetv.com/wp-content/uploads/2023/11/2958.webp?resize=678%2C509&ssl=1)
ဒါဟာ ကမ္ဘာပေါ်မှာမီးရထားတစ်စင်းအတွက်အရှည်ဆုံးပမာဏလည်းဖြစ်ခဲ့ပါတယ်။ ဒီလိုတွဲပေါင်း (၆၀၀) ကျော်ကိုဆွဲဖို့အတွက် အားကောင်းလှတဲ့အင်ဂျင် (၈) လုံးပါဝင်တဲ့ စက်ခေါင်း (၄) ခုကို အသုံးပြုခဲ့ရတယ်လို့ သိရပါတယ်။ လက်ရှိအချိန်အထိတော့ အဆိုပါ BHP သံရိုင်းတင်တဲ့ရထားလောက် ရှည်တဲ့ရထား ကမ္ဘာပေါ်မှာ မရှိသေးပါဘူး။ shwekhitonlinetv.com
Shwe Khit Online TV မှရေးသားတင်ဆက်ပါသည်။ယခုဆောင်းပါးကိုတခြားပေ့ချ်များတွင်ကျေးဇူးပြု၍ကူးယူဖော်ပြခြင်းမပြုရန်မေတ္တာရပ်ခံအပ်ပါသည်။