ရှာဖွေတွေ့ရှိသမျှထဲမှာ တန်ဖိုးအကြီးဆုံးအဖြစ် သတ်မှတ်ခံထားရတဲ့ ရတနာများ

ပရိသတ်ကြီးကို ဒီတစ်ခေါက်မှာတော့ တူးဖော် တွေ့ရှိသမျှထဲမှာ တန်ဖိုးအကြီးဆုံးရယ်လို့ သတ်မှတ် ခံထားရတဲ့ ရတနာတွေ အကြောင်းကို ပြောပြပေးသွားမှာပဲ ဖြစ်ပါတယ် ။ ဒီရတနာတွေဟာဆိုရင် ရှေးခေတ်တုန်းက လူတွေ ပိုင်ဆိုင် ၊ အသုံးပြုခဲ့ကြတဲ့ ရတနာတွေ ဖြစ်ပြီး လက်ရာမြောက်မှု အပိုင်းကတော့ ပြောစရာ မလိုလောက်အောင် ကောင်းမွန်တာပဲ ဖြစ်ပါတယ်။ ဒါ့ကြောင့် ဘယ်လို တန်ဖိုးကြီး ရတနာတွေကို ရှာတွေ့ခဲ့ကြလဲဆိုတာကတော့ အောက်ကပုံလေးတွေ တစ်ပုံချင်းစီကို ကြည့်ကြည့်လိုက်ပါနော် …. shwekhitonlinetv.com

၁ ။ The Środa Treasure

ပထမဦးဆုံး ပြောပြပေးမှာကတော့ ပိုလန်နိုင်ငံ မှာ ရှာတွေ့ခဲ့တဲ့ ရတနာ သိုက် အကြောင်းပဲ ဖြစ်ပါတယ် ။ အချိန်အားဖြင့် (၁၉၈၅ နဲ့ ၁၉၈၈ ) ဝန်းကျင်လောက်တုန်းက ပိုလန်နိုင်ငံ ၊ Środa Śląska မြို့မှာရှိတဲ့ အဆောက်အအုံတစ်ခုဟာ ဖြိုချဖျက်စီး ခံခဲ့ရပါတယ် ။ ဒီလို ဖြိုချနေတဲ့ အချိန်အတွင်းမှာပဲ အဆောက်အအုံ အောက်ခြေ အတွင်းမှာ မြုပ်နှဲထားတဲ့ Środa ရှေးဟောင်းရတနာတွေကို ရှာတွေ့ခဲ့ပါတော့တယ် ။ တွေ့ရှိခဲ့တဲ့ ရတနာတွေကို စစ်ဆေးကြည့်တဲ့ အခါမှာတော့ ပန်းအိုး အတွင်းမှာ ထည့်ထားတဲ့ ငွေဒင်္ဂါးပေါင်း ( ၂၀၀၀ ) ကျော်ကို ရှိတာကို တွေ့ခဲ့ပါတော့တယ် ။ shwekhitonlinetv.com

ပညာရှင်တွေရဲ့ ပြောကြားချက်အရတော့ ဒီ ငွေဒင်္ဂါးတွေဟာ လွန်ခဲ့တဲ့ ( ၁၄ ) ရာစုနှစ်တုန်းက ဒင်္ဂါးပြားတွေ ဖြစ်ပြီး တန်ဖိုးအားဖြင့် ယနေ့ခေတ် ပေါက်စျေးအရ ဒေါ်လာ သန်း ( ၁၂၀ ) ကျော် တန်ဖိုးရှိတာပဲ ဖြစ်ပါတယ် ။ နောက်နှစ် အနည်းငယ် အကြာမှာတော့ ဒီအဆောက်အအုံ အနီးနားမှာပဲ ရတနာ တစ်ချို့ကို ရှာတွေ့ခဲ့ပြန်ပါသေးတယ် ။ ဒီတစ်ခါ ရှာတွေ့တဲ့ ရတနာတွေ ထဲမှာတော့ ရွေသရဖူတစ်ခု နဲ့ အနုစိတ် ဖန်တီးထားသော ရွှေ လက်စွပ် တို့ပါဝင်ပါတယ်။ နောက်ပိုင်းရှာတွေ့ခဲ့တဲ့ ထို ရတနာတွေကိုတော့ တန်ဖိုး မဖြတ် ရသေးပါဘူးတဲ့ ။ shwekhitonlinetv.com

၂  ။ The Cuerdale Hoard

ဒုတိယ တစ်ခု အနေနဲ့ ပြောပြပေးမှာကတော့ The Cuerdale Hoard အမည်ရှိ ဗိုက်ကင်း လူမျိုးတွေရဲ့ ရတနာတွေကို ရှာတွေ့ခဲ့ပါတယ် ။ ဒီ ရှာဖွေတွေ့ရှိမှုဟာ တူးဖော်ရရှိ သမျှ အကြီးဆုံး ရှာဖွေ တွေ့ရှိ မှုတွေက တစ်ခုအဖြစ် သတ်မှတ်ခံထားရပါတယ် ။ ပညာရှင်တွေရဲ့ ပြောကြားချက်အရ ဒီတွေ့ရှိမှုဟာ ငွေတန်ဖိုးထက် ဗိုက်ကင်း လူမျိုးတွေရဲ့ ယဉ်ကျေးမှုကို လေ့လာနိုင်တာကြောင့် ပိုပြီး အဖိုးတန် တယ်လို့ ပြောခဲ့ပါတယ် ။ ရှာတွေ့ခဲ့တဲ့ ဗိုက်ကင်း ရတနာတွေ ရဲ့ စုစုပေါင်း တန်ဖိုးဟာ ဒေါ်လာ ( ၃.၂ ) သန်း တန်ကြေးရှိပြီး လက်ရှိမှာတော့ ဗြိတိန် ပြတိုက်မှာ ပြသထားပါတယ် ။ shwekhitonlinetv.com

ထို ဗိုက်ကင်း လူမျိုးတွေရဲ့ ရတနာကို ဆောက်လုပ်ရေး လုပ်ငန်း ခွင်တစ်ခု အတွင်းက အလုပ်သမားတွေဟာ သေတ္တာတစ်လုံးကို တူးဖော်မိခဲ့ရာကနေ တွေ့ခဲ့တာပဲ ဖြစ်ပါတယ် ။ သေတ္တာကို ဖွင့်ကြည့်တဲ့ အခါမှာတော့ ဗိုက်ကင်း လူမျိုးတွေ ရဲ့ အသုံးအဆောင်ပေါင်း (  ၈၆၀၀ ) ကျော် ရှိပြီး ငွေဒင်္ဂါး အပြင် တစ်ခြား လက်ဝတ်ရတနာတွေ လည်း ပါဝင်ပါတယ် ။ ဆောက်လုပ်ရေး အလုပ်သမား တွေဟာ ဒီရတနာတွေကို ရှာဖွေတွေ့ရှိခဲ့မှု အတွက် တစ်ယောက်ချင်းစီကို ငွေဒင်္ဂါး တစ်ပြားစီ ရရှိခဲ့ပါတယ် ။ တစ်ခြားသော ရတနာတွေကို ဗစ်တိုးရီးယား ဘုရင်မကြီးဆီကို ပေးအပ်ခဲ့တယ်လို့လည်း သိရပါတယ် ။ shwekhitonlinetv.com

၃ ။ The Caesarea Sunken Treasure

နောက်ထပ်ပြောပြပေးမှာကတော့ The Caesarea Sunken Treasure လို့ အမည်ရတဲ့ ရတနာ အကြောင်းပဲ ဖြစ်ပါတယ် ။ ထူးခြားတာတစ်ခုကတော့ ဒီရတနာတွေကို တန်ဖိုး မသတ်မှတ်ထားပါဘူးတဲ့ ။ အကြောင်းကတော့ ထိုရတနာတွေဟာ သမိုင်းကြောင်းနဲ့ ချီပြီး သက်တမ်းက ရှေးကျလွန်းတာကြောင့် တန်ဖိုး မဖြတ်နိုင်အောင် အဖိုးတန်လှတာပဲ ဖြစ်ပါတယ် ။ ဒီရတနာတွေကို ရှာတွေ့ခဲ့သူတွေကတော့ အစ္စရေးနိုင်ငံ ၊ Caesarea အမျိုးသားဥယျာဉ် ကမ်းရိုးတန်း အနားက ရေငုပ်သမားတွေပဲ ဖြစ်ပါတယ် ။ shwekhitonlinetv.com

အစပိုင်းတုန်းကတော့ ရေငုပ်သမားတွေဟာ သူတို့ ရှာတွေ့ခဲ့တဲ့ ရတနာတွေကို အတုတွေထင်လို့ ထင်ပြီး မယုံနိုင်ခဲ့ကြပါဘူး ။ ရှာတွေ့ခဲ့တဲ့ ရတနာတွေကတော့ ရွှေဒင်္ဂါးပေါင်း ( ၂၀၀၀ ) ကျော်ဖြစ်ပြီး ပညာရှင်တွေ စစ်ဆေးကြည့်တဲ့အခါမှာတော့ လွန်ခဲ့တဲ့ ( ၁၀ ) ရာစု နဲ့ ( ၁၂ ) ရာစု အကြားက ရတနာတွေ ဖြစ်တယ်လို့ သိခဲ့ကြပါတယ် ။ ယခုအချိန်အထိ ထို ဒင်္ဂါးပြားတွေရဲ့ တန်ဖိုးကို မဖြတ်နိုင်သေးပဲ ယနေ့ငွေကြေး အဆပေါင်းများစွာထက် တန်ဖိုးကြီးတယ်လို့ သတ်မှတ်ထားကြပါတယ် ။ shwekhitonlinetv.com

၄ ။ The Bactrian Gold

( ၁၉၇၈ ) ခုနှစ်တုန်းက Tillya Tepe ဆိုတဲ့ အရပ်မှာ the Bactrian Gold  လို့ အမည်ရတဲ့ နာမည်ကြီး ရတနာ တစ်ခုကို ရှာတွေ့ခဲ့ပါတယ် ။ ဒါ့အပြင် အခုလို ရှာတွေ့ခဲ့တဲ့ ရတနာဟာ သမိုင်းမှာ ရှာတွေ့ခဲ့တဲ့ တန်ဖိုးအကြီးဆုံး ရတနာတွေထဲက တစ်ခု အဖြစ် သတ်မှတ်ထားခံရပါတယ် ။ လေ့လာ စစ်ဆေးကြည့်တဲ့အခါမှာတော့ ထို ရတနာ ရဲ့ သက်တမ်းဟာ ဘီစီ ( ၁ ) ရာစု တုန်းက ဖြစ်ပြီး ရတနာတစ်ခုလုံးကို ရွှေအဆင်တန်ဆာပေါင်း ( ၂၀၀၀၀ ) ကျော် နဲ့ ဖန်တီးထားပါတယ် ။ shwekhitonlinetv.com

ဒီရတနာတွေကို မင်းသားတစ်ပါး နဲ့ သူ့ရဲ့ မိဖုရား ( ၅ ) ယောက်ကို မြုပ်နှံထားတဲ့ နေရာမှာ ရှာတွေ့ခဲ့တာဖြစ်ပြီး ဒီရတနာ နဲ့ ဆက်နွှယ်တဲ့ တစ်ခြား ရတနာတွေကိုတော့ တရုတ် ၊ ဂရိ နဲ့ အိန္ဒိယ နိုင်ငံတို့မှာပါ ရှာတွေ့ခဲ့ပါသေးတယ် ။ ထို ရတနာတွေ ထဲမှာ အဖိုးမဖြတ်နိုင်တဲ့ အဖိုးတန် လက်ဝတ်ရတနာတွေ နဲ့ ရွှေပမာဏ များစွာ ပါဝင်နေတဲ့ ရတနာတွေလည်း ပါဝင်ပါတယ် ။ ယနေ့အချိန် အထိ ထို ရတနာ တွေရဲ့ တန်ဖိုးကို မဖြတ်ထားပဲ ကမ္ဘာအနှံ့မှာရှိတဲ့ ပြတိုက်တွေမှာ ပြသထားတယ်လို့ သိရပါတယ် ။ shwekhitonlinetv.com

၅ ။ SAN JOSÉ

အခု နောက်ဆုံး ပြောပြပေးမယ့် ရတနာ အကြောင်းကတော့ ကာရေဘီယံ ပင်လယ် အောက်မှာ ရှာတွေ့ခဲ့တဲ့ SAN JOSÉ အမည်ရှိတဲ့ ရတနာ အကြောင်းပဲ ဖြစ်ပါတယ် ။ ဒီရတနာတွေကို တော့ San José လို့ခေါ်တဲ့ သင်္ဘော ပျက် တစ်စင်းထဲမှာ ရှာတွေ့ခဲ့တာဖြစ်ပြီး ရတနာတွေရဲ့ တန်ဖိုးဟာ ဒေါ်လာ ( ၂၂ ) ဘီလီယံ ကျော် တန်ဖိုး ရှိပါတယ် ။ အခုလို ကြီးမားတဲ့ ရှာဖွေမှုကြီးကို ( ၂၀၁၅ ) ခုနှစ်က စတင်ခဲ့တာဖြစ်ပြီး ရှာဖွေမှု အသေးစိတ် အချက်အလက်တွေကို ( ၂၀၁၈ ) ခုနှစ် အထိ လျှို့ဝှက်ထားခဲ့ကြပါတယ် ။ shwekhitonlinetv.com

ဒါပေမယ့်လည်း ထွက်ပေါ်ခဲ့တဲ့ သတင်းတွေအရ ယနေ့အချိန်အထိ ထို သင်္ဘောပျက်ထဲမှာ အဖိုးတန်တဲ့ ရတနာပေါင်း များစွာရှိပြီး ဒီ ရတနာတွေကို “holy grail” လို့လည်း ခေါ်ဆိုကြပါသေးတယ် ။ သမိုင်း မှတ်တမ်းတွေ အရ San José သင်္ဘောဟာ ပနားမား ကနေ ကိုလမ်ဘီယာ ကို မောင်းနှင်လာခဲ့ပြီး ( ၁၇၀၈ ) ခုနှစ် ဇွန်လ ( ၈ ) ရက်မှာတော့ ဗြိတိန် နဲ့ စပိန် နိုင်ငံတို့ရဲ့ စစ်ပွဲ မှာ နစ်မြုပ်သွားခဲ့ရပါတယ် ။ San José သင်္ဘော ဟာ ကာရေဘီယံ ပင်လယ်ထဲမှာ နှစ်ပေါင်း ( ၃၀၀ ) ကျော် နစ်မြုပ်နေခဲ့တာဖြစ်ပြီး REMUS 6000 လို့ ခေါ်တဲ့ မောင်းသူမဲ့ ရေအောက် ရှာဖွေရေးယာဉ် ကို အသုံးပြုတော့မှသာ ဒီသင်္ဘောကြီးကို ရှာတွေ့ခဲ့ကြတာဖြစ်ပါတယ် ။ shwekhitonlinetv.com

အခုဖော်ပြပေးထားတာကတော့ ရတနာသိုက်တွေကို တူးဖော်ရရှိခဲ့တဲ့ ကမ္ဘာတစ်လွှားက ဖြစ်ရပ်မှန်တွေ အကြောင်းကို ပြောပြပေးထားတာပဲ ဖြစ်ပါတယ်။ နောက်ပိုင်းတွေမှာလည်း အခုလိုမျိူး စိတ်ဝင်စားဖွယ် ကောင်းတဲ့ အကြောင်းအရာလေးတွေကို ရှာဖွေ တင်ဆက်ပေးမှာမို့လို့ Shwe Khit ကို စောင့်မျှော်ဖတ်ရှုပေးကြပါဦးနော် …. shwekhitonlinetv.com

Be the first to comment

Leave a Reply