ပင်လယ်ကမ်းခြေမှာ အဖိုးတန်ရတနာများကို တွေ့ရှိခဲ့တဲ့ ဖြစ်ရပ်တစ်ချို့

ပရိသတ်ကြီး ကို ဒီတစ်ခါမှာတော့ ပင်လယ် ကမ်းခြေမှာ အဖိုးတန် ရတနာတွေကို ရှာတွေ့ခဲ့တဲ့ ဖြစ်ရပ် တစ်ချို့ကို ပြောပြပေးသွားမှာပဲ ဖြစ်ပါတယ် ။ ပင်လယ် ကမ်းခြေမှာတန်ဖိုးကြီးတဲ့ ပစ္စည်းတွေကို ရှာတွေ့ဖို့ဆိုတာ တစ်ကယ်တော့ ဖြစ်နိုင်ချေ တော်တော်လေး နည်းတာပါ ။ ဒါ့ကြောင့် ဘယ်လို ရတနာတွေကို ရှာတွေ့ခဲ့လဲဆိုတာကိုတော့ အောက်ကပုံလေးတွေ တစ်ပုံချင်းစီကို ကြည့်လိုက်ပါဦးနော် …. shwekhitonlinetv.com

၁ ။ ဝေလငါး အန်ဖတ်

( ၂၀၁၉ ) ခုနှစ် အောက်တိုဘာလ တုန်းက ထိုင်းနိုင်ငံမှာ နေထိုင်တဲ့ ငါးဖမ်း သမား တစ်ယောက်ဟာ Koh Samui လို့ ခေါ်တဲ့ ကမ်းခြေတစ်ခုမှာ လမ်းလျှောက်နေရင်း ထူးဆန်းတာ တစ်ခုကို ရှာတွေ့ခဲ့ပါတော့တယ် ။ သူရှာတွေ့ခဲ့တဲ့ အရာကတော့ အစိုင်အခဲလို ဖြစ်နေတဲ့ ဝေလငါး အန်ဖတ်ပဲ ဖြစ်ပါတယ် ။ ဝေလငါး အန်ဖတ်ကို ambergris လို့လည်း ခေါ်ကြပြီး ရေမွှေး ထုတ်လုပ်တဲ့ နေရာမှာ အသုံးပြုကြတာပဲ ဖြစ်ပါတယ် ။ နောက်ပြီး ဝေလငါး အန်ဖတ်ဟာ တော်တော်လေးကို ရှားပါးတာကြောင့် စျေးကွက်ထဲမှာ အလွန် အဖိုးတန်နေတာပါ ။ shwekhitonlinetv.com

ငါးဖမ်းသမားကြီး ကတော့ ထို ဝေလငါး အန်ဖတ်ကို ရှာမတွေ့ခဲ့တုန်းက အချိန်အထိ ငါးဖမ်းတဲ့ အလုပ်ကနေ တစ်နေ့လုံးနေမှ ( ၁၃ ) ဒေါ်လာ ပဲ ရခဲ့တာပါ ။ ဒါပေမယ့်လည်း ကံတရားက မျက်နှာသာပေးခဲ့တာကြောင့် ငါးဖမ်းသမားကြီး ဟာ သူရှာတွေ့ခဲ့တဲ့ ဝေလငါး အန်ဖတ်ကို ရောင်းချပြီး ဒေါ်လာ ( ၃၂၀၀၀၀ ) ကျော် ပိုင်ဆိုင်သွားပါတော့တယ် ။ ငါးဖမ်းသမားကြီးကတော့ သူ့ဘ၀ကို အကြီးအကျယ် ပြောင်းလဲပေးနိုင်ခဲ့တဲ့ ဝေလငါး အန်ဖတ် တုံးလေးကို ကျေးဇူးတင်နေမိမှာ အသေအချာပါပဲ ။ shwekhitonlinetv.com

၂ ။ ရွှေအစိုင်အခဲ

နောက်ထပ်ပြောပြပေးမှာကတော့ ( ၂၀၁၂ ) ခုနှစ်တုန်းက ရွှေရှာဖွေသူ တစ်ယောက်ဖြစ်တဲ့ Vincent Thurkettle ဆိုသူဟာ ဝေးလ် ပင်လယ် အနားက Moelfre ကမ်းခြေရွာလေးမှာ ကြက်ဥ အရွယ်ရှိတဲ့ အရာ တစ်ခုကို ရှာတွေ့ခဲ့ပါတယ် ။ ဒီလိုနဲ့ သူရှာတွေ့ခဲ့တဲ့ ပစ္စည်းလေးကို သေချာ စစ်ဆေးကြည့်တဲ့ အခါမှာတော့ ၂၃ ကာရက် ရွှေတုံး ဖြစ်နေတာကို တွေ့ခဲ့ပြီး အလေးချိန်ကတော့  ၃.၄ အောင်စ ( ၉၇ ဂရမ် )ရှိပါတယ်။ Vincent ရှာတွေ့ခဲ့တဲ့ ဒီရွှေတုံးလေးဟာ ဗြိတိန်နိုင်ငံမှာ ရှာတွေ့ခဲ့သမျှ ရွှေတုံးတွေထဲ အကြီးဆုံး ဖြစ်တယ်လို့ သတ်မှတ် ခံထားရပါတယ် ။ shwekhitonlinetv.com

ဒီ ရွှေတုံး ကို စစ တွေ့ပြီးနောက် Vincent ဟာ ( ၂၀၁၆ ) ခုနှစ် အထိ ဘယ်သူ့ကိုမှ မပြောခဲ့ပဲ လျှို့ဝှက်ထားခဲ့တာပါ ။ ဒါပေမယ့် သူ ထုတ်ဖော်ပြောကြားလိုက်ချိန်မှာတော့ ထို ကမ်းခြေလေးမှာ စိတ်ဝင်စားလို့ လာကြတဲ့ လူအများကြီးနဲ့ ပြည့်နှက်သွားခဲ့ပါတယ် ။ သမိုင်းမှတ်တမ်းတွေအရတော့ Vincent ရှာတွေ့ခဲ့တဲ့ ရွှေတုံးဟာ ၁၈၅၉ ခုနှစ်တုန်းက ဟာရီကိန်း မုန်တိုင်းမိပြီး နစ်မြုပ်သွားတဲ့ Royal Charter သင်္ဘောပေါ်က ပစ္စည်း ဖြစ်နိုင်တယ်လို့ ပညာရှင်တွေက မှတ်ချက် ပြုခဲ့ကြပါတယ် ။ ဒီရွှေတုံးလေးရဲ့ စျေးကွက်တင်ပြီး ရောင်းချခဲ့ရာမှာတော့ ဒေါ်လာ ( ၆၄၀၀၀ ) ကျော် တန်ကြေး ရခဲ့ပါတယ် ။ shwekhitonlinetv.com

၃ ။ အမွှေးရှည် ဆင်ကြီးရဲ့ သွား

Chon Carlile လို့ ခေါ်တဲ့ အမျိုးသား တစ်ယောက်ကတော့ ကမ်းခြေတွေမှာ ဦးခေါင်းခွံတွေ ၊ ကျောက်တွေနဲ့ ငါးမန်းသွားတွေကို ရှာဖွေစုဆောင်းရတာ ဝါသနာ ပါသူ တစ်ယောက်လည်း ဖြစ်ပါတယ် ။ ( ၂၀၁၉ ) ခုနှစ် ဇွန်လတုန်းက Charlie ဟာ ကယ်ရိုလိုင်းနား ပြည်နယ် တောင်ပိုင်းက Myrtle ကမ်းခြေမှာ ထူးဆန်းတဲ့ သွားတစ်ချောင်းကို ကောက်ရခဲ့ပါတယ် ။ သူ ရှာတွေ့ခဲ့တဲ့ သွား ကို စစ်ဆေးကြည့်တဲ့ အခါမှာတော့ လွန်ခဲ့တဲ့ နှစ် ( ၁၀၀၀၀ ) ကျော် သက်တမ်း ရှိတဲ့ အပြင် ငါးမန်းသွား ထက် စိတ်ဝင်စားဖို့ ပိုကောင်းတဲ့ ပုံစံရှိတာကိုပါ တွေ့ရှိပါတော့တယ် ။ shwekhitonlinetv.com

ဒါ့ကြောင့် ထပ်မံပြီး သေချာ လေ့လာ ကြည့်တဲ့ အခါမှာတော့ သမိုင်းမတင်မီ ခေတ်က ရှိခဲ့တဲ့ အမွှေးရှည်ဆင် (mastodon ) တစ်ကောင်ရဲ့ သွား ဖြစ်နေတာကို သိသွားပါတော့တယ် ။ တစ်ချိန်တုန်းက အမွှေးရှည်ဆင်ကြီးတွေဟာ အမေရိက သစ်တော မြောက်ပိုင်း နဲ့ အလယ် ပိုင်းတွေမှာ ရှင်သန်ခဲ့စားကြပြီး လူသားတွေ ရဲ့ အမဲလိုက်မှု အပြင် တစ်ခြားသော အခြေအနေတွေကြောင့် မျိုးတုန်း ပျောက်ကွယ် သွားခဲ့ကြတာပဲ ဖြစ်ပါတယ် ။ အမွှေးရှည် ဆင်တစ်ကောင်ရဲ့ အရွယ်အစားဟာ ( ၉ ) ပေ ကျော်ရှိပြီး အလေးချိန်ကတော့ ( ၈ ) တန် ရှိပါတယ် ။ shwekhitonlinetv.com

၄ ။ ရွှေဒင်္ဂါးပြားများ

လွန်ခဲ့တဲ့ နှစ်ပေါင်း ( ၃၀၀ ) ကျော်လောက်တုန်းက စပိန် ကုန်သင်္ဘောတွေဟာ ဖလော်ရီဒါ မှာရှိတဲ့ အတ္တလန်တိတ် ကမ်းရိုးတန်း အနားမှာ နစ်မြုပ်သွားခဲ့ကြပါတယ် ။ ဒီအထဲမှာမှ ( ၁၇၁၅ ) ခုနှစ်တုန်းက စပိန် သင်္ဘောတစ်စင်းဟာ နှစ်ပေါင်း များစွာ ရေထဲ နစ်မြုပ်နေခဲ့ပြီး ( ၂၀၁၅ ) ခုနှစ် မှာတော့ ရတနာ မုဆိုး ရေငုပ်သမား တစ်ယောက်ဖြစ်တဲ့ William Bartlett ဟာ ထို သင်္ဘောပျက်ကြီးကို ရှာတွေ့ခဲ့တာပဲ ဖြစ်ပါတယ် ။ Willaim ဟာ ထို သင်္ဘောပျက်ထဲကို သတ္ထုရှာဖွေတဲ့စက်နဲ့ ရှာဖွေကြည့်တဲ့အခါမှာတော့ ရှေးဟောင်း ရွှေဒင်္ဂါးပြား ( ၂ ) ပြားလောက်ကို စတင်ရှာတွေ့ခဲ့ပါတော့တယ် ။ shwekhitonlinetv.com

ထိုအချိန်မှာပဲ Willaim ဟာ ရွှေဒင်္ဂါးပြားတွေ ဆက်လက်ပြီး ရှာဖွေဖို့အတွက် သူအဖွဲ့နဲ့ တိုင်ပင်ပြီး ထပ်မံရှာဖို့ ဆုံးဖြတ်ချက် ချခဲ့ပါတယ် ။ ဒီလိုနဲ့ William တို့အဖွဲ့ဟာ သင်္ဘောကြီးရဲ့ ပတ်ချာလည် တစ်ဝိုက်ကို ဆက်လက် ရှာဖွေကြည့်ရာမှာတော့ ရွှေဒင်္ဂါးပြားပေါင်း ( ၃၆၀ ) ကျော်လောက်ကို ထပ်မံတွေ့ရှိခဲ့ကြပါတယ် ။ William တို့ ရှာတွေ့ခဲ့တဲ့ ရွှေဒင်္ဂါးပြားတွေကို စျေးနှုန်း သတ်မှတ်ကြည့်ကြတဲ့ အခါမှာတော့ အမေရိကန်ဒေါ်လာ  ( ၄.၅ ) သန်းကျော် အထိ တန်ကြေးရှိခဲ့တာပဲ ဖြစ်ပါတယ် ။ shwekhitonlinetv.com

၅ ။ ရှေးဟောင်း မျက်နှာဖုံး

နောက်ဆုံး တစ်ခု အနေနဲ့ ပြောပြပေးချင်တာကတော့ ကမ်းခြေတစ်ခုမှာ မျောပါလာခဲ့တဲ့ ရှေးဟောင်း မျက်နှာဖုံး အကြောင်းပဲ ဖြစ်ပါတယ် ။ ( ၂၀၁၉ ) ခုနှစ်တုန်းက ဖလောရီဒါ ပြည်နယ်ထဲမှာရှိတဲ့ မဲလ်ဘုန်း ကမ်းခြေမှာ ရှေးဟောင်း မျက်နှာဖုံးတစ်ခု မျောပါလာခဲ့ပါတယ် ။ သုတေသီ ပညာရှင်တွေဟာ ထို မျက်နှာဖုံးကို စစ်ဆေးကြည့်တဲ့အခါမှာတော့ နှစ်ပေါင်း ( ၁၀၀၀၀ ) ကနေ ( ၁၂၀၀၀ ) ကြား သက်တမ်း ရှိတယ်လို့ ခန့်မှန်းခဲ့ကြပါတယ်။ ဒါ့အပြင် မျက်နှာဖုံးရဲ့ လက်ရာပုံစံကို ကြည့်ပြီး ရှေးဟောင်း တောင် အမေရိက ယဉ်ကျေးမှုကနေ ဆင်းသက်လာတာဖြစ်နိုင်တယ်လို့ မှတ်ချက်ပေးခဲ့ကြပါတယ် ။ shwekhitonlinetv.com

ထို ရှေးဟောင်း မျက်နှာဖုံးကို ကြေးနီနဲ့ ပြုလုပ်ထားတဲ့ အပြင် ဥက္ကာခဲတွေမှာ တွေ့ရတတ်တဲ့ ရွှေ ၊ ငွေ နဲ့ iridium သတ္ထုအစအန တွေလည်း ပါဝင်ပါသေးတယ် ။ ဒါ့အပြင် ပညာရှင် တစ်ချို့ကတော့ ထို မျက်နှာဖုံးဟာ ( ၁၇၁၅ ) ခုနှစ် တုန်းက နစ်မြုပ်သွားခဲ့ကြတဲ့ စပိန် သင်္ဘောတွေက သယ်ဆောင်လာတာဖြစ်နိုင်တယ်လို့ ကောက်ချက်ချခဲ့ကြပါတယ် ။ ထို အချိန်တုန်းက နစ်မြုပ်ခဲ့တဲ့ စပိန် သင်္ဘောဟာ ကျူးဘား ကနေ ပြန်လည်ထွက်ခွာလာပြီး ဟာရီကိန်းမုန်တိုင်းမိသွားတာကြောင့် လမ်းခရီးမှာတင် သင်္ဘော ( ၁၁ ) စင်းလုံး နစ်မြုပ်သွားခဲ့ကြတာပါ ။ လက်ရှိမှာတော့ ထို ရှေးဟောင်း မျက်နှာဖုံးရဲ့ တန်ဖိုးကို ဒေါ်လာ ( ၄ ) ဘီလီယံ အထိ သတ်မှတ်ထားပါတယ်တဲ့ …. shwekhitonlinetv.com

အခုဖော်ပြပေးထားတာကတော့ ပင်လယ်ကမ်းခြေမှာ အဖိုးတန်ရတနာများကို တွေ့ရှိခဲ့တဲ့ ဖြစ်ရပ်တစ်ချို့ကို စုစည်းဖော်ပြပေးထားတာပဲ ဖြစ်ပါတယ်။ နောက်ပိုင်းတွေမှာလည်း အခုလိုမျိုး စိတ်ဝင်စားဖို့ကောင်းတဲ့ အကြောင်းအရာလေးတွေကို ရှာဖွေတင်ဆက်ပေးမှာမို့လို့ Shwe Khit ကို စောင့်မျှော်ဖတ်ရှုပေးကြပါဦးနော် …. shwekhitonlinetv.com

Be the first to comment

Leave a Reply