လာမည့် ကမ္ဘာ့ဖလားပြိုင်ပွဲကာလအတွင်းမှာတော့ MSC Cruises အနေနဲ့ ဒိုဟာမြို့ရဲ့ ဆိပ်ကမ်းမှာ သူတို့ရဲ့နောက်ဆုံးပေါ်ဇိမ်ခံသင်္ဘောကြီးဖြစ်တဲ့ MSC World Europa ကိုဆိုက်ကပ်ရပ်နားထားပြီး ရေပေါ်ဟိုတယ်အဖြစ်ထားရှိသွားမှာဖြစ်ပါတယ်။ shwekhitonlinetv.com
ကမ္ဘာ့အကြီးဆုံးသင်္ဘောကျင်းတွေထဲကတစ်ခုဖြစ်တဲ့ ပြင်သစ်နိုင်ငံက de Chantiers l’Atlantique မှာ ၂၀၁၉ ခုနှစ်ကတည်းကတည်ဆောက်ခဲ့တဲ့ MSC World Europa အနေနဲ့ လာမယ့်ကမ္ဘာ့ဖလားကာလအတွင်းမှာ အရှေ့အလယ်ပိုင်းက ဆိပ်ကမ်းတစ်ခုမှာရှိနေမှာလည်းဖြစ်ပါတယ်။ shwekhitonlinetv.com
![](https://i0.wp.com/www.shwekhitonlinetv.com/wp-content/uploads/2022/11/MSC_Cruises_MSC_World_Europa.jpg?resize=678%2C355&ssl=1)
စုစုပေါင်း (၂၂) ထပ်ပါရှိတဲ့ ဒီသင်္ဘောကြီးမှာဆိုရင် အခန်းပေါင်း (၂၆၂၆) ခန်းပါဝင်တယ်လို့သိရပြီး ခရီးသည်ပေါင်း (၆၇၀၀) ကျော် တပြိုင်နက်တည်း တည်းခိုနိုင်မှာလည်းဖြစ်ပါတယ်။ shwekhitonlinetv.com
ဒါ့အပြင်ဒီဇိမ်ခံသင်္ဘောကြီးမှာ ရေကူးကန် (၆) ကန်၊ ဘား (၃၀) ကျော်၊ အားကစားလေ့ကျင့်ရေးရုံနဲ့ ရုပ်ရှင်ရုံတွေလည်း အများအပြားပါဝင်ပြီး အခြားသောအပန်းဖြေဝန်ဆောင်မှုတွေလည်း ပါရှိတယ်လို့ဆိုထားပါတယ်။ shwekhitonlinetv.com
![](https://i0.wp.com/www.shwekhitonlinetv.com/wp-content/uploads/2022/11/msc-main_2022-10-07-124227_ydow.jpg?resize=678%2C381&ssl=1)
တည်းခိုချင်တဲ့သူတွေအနေနဲ့ တစ်ညကို အနိမ့်ဆုံးအမေရိကန်ဒေါ်လာ (၂၂၀) ကနေပြီး (၄၅၀) ဝန်းကျင်အထိ အခန်းတွေရှိတယ်လို့သိရပါတယ်။ အင်္ဂလန်လက်ရွေးစင်ဘောလုံးအသင်းရဲ့ နာမည်ကျော် WAGs တွေကတော့ ဒီသင်္ဘောကြီးပေါ်မှာတည်းခိုဖို့အတွက် ကြိုတင်ဘိုကင်ပြုလုပ်ထားပြီးဖြစ်တယ်လို့လည်းသိရပါတယ်။ shwekhitonlinetv.com
ဒီသင်္ဘောကြီးအပြင် အခြား MSC Cruises ရဲ့ ဇိမ်ခံသင်္ဘောတွေဖြစ်ကြတဲ့ MSC Poesia နဲ့ MSC Opera တို့ဟာလည်း ကမ္ဘာ့ဖလားကာလအတွင်း ဒိုဟာမြို့ဆိပ်ကမ်းမှာ ရေပေါ်ဟိုတယ်တွေအဖြစ်ရှိနေမှာဖြစ်ပါတယ်။ shwekhitonlinetv.com
![](https://i0.wp.com/www.shwekhitonlinetv.com/wp-content/uploads/2022/11/d79fc049-b7a0-320f-a0eb-dd041cfdafa2.jpeg?resize=678%2C348&ssl=1)
Shwe Khit Online TV မှရေးသားတင်ဆက်ပါသည်။ယခုဆောင်းပါးကိုတခြားပေ့ချ်များတွင်ကျေးဇူးပြု၍ကူးယူဖော်ပြခြင်းမပြုရန်မေတ္တာရပ်ခံအပ်ပါသည်။