သမိုင်းတစ်လျှောက်ကိုပြန်ကြည့်မယ်ဆိုရင် ကမ္ဘာပေါ်မှာလှုပ်ခတ်ခဲ့တဲ့ ငလျှင်အရေအတွက်က ရေတွက်လို့မကုန်နိုင်အောင်များပြားလှပါတယ်။ ဒီ ငလျှင်တွေထဲကမှ အင်အားအပြင်းဆုံးငလျှင် (၁၀) ခုကိုဖော်ပြရမယ်ဆိုရင်တော့ ….. shwekhitonlinetv.com
၁။ Valdivia Earthquake
![](https://i0.wp.com/www.shwekhitonlinetv.com/wp-content/uploads/2023/03/Valdivia_after_earthquake_1960.jpg?resize=678%2C361&ssl=1)
ကမ္ဘာပေါ်မှာလှုပ်ခတ်ခဲ့ဖူးသမျှ ငလျှင်တွေထဲမှာအပြင်းထန်ဆုံးအဖြစ်မှတ်တမ်းဝင်ခဲ့တာကတော့ ၁၉၆၀ မေလ (၂၂) တုန်းက ချီလီနိုင်ငံမှာလှုပ်ခတ်ခဲ့တဲ့ Valdivia ငလျှင်ဖြစ်ပါတယ်။ တိုင်းတာချက်အရ ဒီငလျှင်ရဲ့ပြင်းအားဟာ (၉.၅) ရစ်ချက်တာစကေး မဂ္ဂနီကျုထိတောင်ရှိခဲ့ပါတယ်။ (၁၀) မိနစ်ဝန်းကျင်ကြာတဲ့အထိလှုပ်ခတ်ခဲ့တဲ့ ဒီငလျှင်ကြောင့် ဆူနာမီရေလှိုင်းကြီးတွေဖြစ်ပေါ်စေခဲ့ပြီး ချီလီနိုင်ငံတောင်ပိုင်း၊ ဟာဝိုင်အီ၊ ဂျပန်၊ ဖိလစ်ပိုင်၊ နယူးဇီလန်အရှေ့ပိုင်း၊ သြစတြေးလျအရှေ့ပိုင်းနဲ့ အလက်တီယန် ကျွန်းစုတွေပါထိခိုက်ခဲ့ရပါတယ်။ shwekhitonlinetv.com
၂။ Great Alaska Earthquake
![](https://i0.wp.com/www.shwekhitonlinetv.com/wp-content/uploads/2023/03/Great-Alaska.jpg?resize=678%2C451&ssl=1)
၁၉၆၄ ခုနှစ်တုန်းက အမေရိကန်နိုင်ငံ အလာစကာပြည်နယ်ကို ဗဟိုပြုပြီးလှုပ်ခတ်ခဲ့တဲ့ Alaska ငလျှင်ကတော့ ကမ္ဘာပေါ်မှာ ဒုတိယအားအပြင်းဆုံးလှုပ်ခတ်ခဲ့တဲ ငလျှင်ဖြစ်ပါတယ်။ လူသူထူထပ်စွာမနေတဲ့ နေရာမှာလှုပ်ခတ်ခဲ့တာကတော့ အဆိုးထဲကအကောင်းလို့ဆိုရမှာပါ။ ဒီ ငလျှင်ရဲ့ ပြင်းအားကတော့ ရစ်ချက်တာစကေး (၉.၂) မဂ္ဂနီကျုအထိရှိပြီး အနီးနားမှာရှိတဲ့ Chenega လို့ခေါ်တဲ့ ရွာကလေးကိုဖျက်ဆီးပစ်ခဲ့သလို ကြီးမားတဲ့ရေအောက်မြေပြိုမှုတွေကိုပါဖြစ်ပေါ်စေခဲ့ပါတယ်။ shwekhitonlinetv.com
၃။ Sumatra Earthquake
![](https://i0.wp.com/www.shwekhitonlinetv.com/wp-content/uploads/2023/03/Sumatra-Earthquake-1024x731.jpg?resize=678%2C484&ssl=1)
၂၀၀၄ ခုနှစ်တုန်းက အိန္ဒိယသမုဒ္ဒရာထဲမှာ လှုပ်ခတ်ခဲ့တဲ့ ငလျှင်တစ်ခုကတော့ ပြင်းအားရစ်ချက်တာစကေး (၉.၁) မဂ္ဂနီကျုအထိရှိခဲ့ပြီး ကမ္ဘာပေါ်မှာ တတိယမြောက်အပြင်းဆုံး ငလျှင်အဖြစ်မှတ်တမ်းဝင်ခဲ့ပါတယ်။ အင်ဒိုနီးရှားနိုင်ငံ ဆူးမတြားကျွန်းအနီးမှာလှုပ်ခတ်ခဲ့တဲ့ ဒီငလျှင်ကြောင့် အမြင့်ပေ (၁၀၀) နီးပါးရှိတဲ့ ဆူနာမီရေလှိုင်းတွေဖြစ်ပေါ်ခဲ့ပြီး လူအေ-သအပျောက် (၂၅၀,၀၀၀) ထက်မနည်းရှိခဲ့ပါတယ်။ ဒီငလျှင်ရဲ့ ဒဏ်ကိုတော့ အနီးနားမှာရှိတဲ့ အိန္ဒိယ၊ ထိုင်း၊ မြန်မာ၊ မလေးရှားတို့သာမကဘဲ အာဖရိကတိုက်က ကင်ညာ၊ ဆိုမာလီ၊ တန်ဇန်းနီးယား၊ မာဒါဂတ်စကာ နဲ့ တောင်အာဖရိကနိုင်ငံတွေပါ ခံစားခဲ့ကြရတာဖြစ်ပါတယ်။ shwekhitonlinetv.com
၄။ Tohoku Earthquake
![](https://i0.wp.com/www.shwekhitonlinetv.com/wp-content/uploads/2023/03/Tohoku-Earthquake-1024x576.webp?resize=678%2C381&ssl=1)
မီးတောင်တွေပေါများလှပြီး ပြတ်ရွေ့ကြောတွေပေါ်မှာတည်ရှိတဲ့ ဂျပန်နိုင်ငံကတော့ ငလျှင်ဒဏ်ကိုမကြာခဏ ခံရလေ့ရှိတဲ့ နိုင်ငံတစ်ခုဖြစ်ပါတယ်။ ဂျပန်နိုင်ငံမှာလှုပ်ခတ်ခဲ့တဲ့ ငလျှင်တွေဟာ ပြင်းအားအတော်အသင့်ရှိတဲ့ ငလျှင်တွေဖြစ်ပြီး ၂၀၁၁ ခုနှစ်တုန်းက လှုပ်ခတ်သွားခဲ့တဲ့ Tohoku ငလျှင်ကတော့ အကြမ်းဆုံးဖြစ်ခဲ့ပါတယ်။ ဒီ ငလျှင်ရဲ့ ပြင်းအားကတော့ ရစ်ချက်တာစကေး (၉.၁) မဂ္ဂနီကျုဖြစ်ပါတယ်။ shwekhitonlinetv.com
၅။ Severo-Kurilsk Earthquake
![](https://i0.wp.com/www.shwekhitonlinetv.com/wp-content/uploads/2023/03/Severo-Kurilsk-Earthquake-1024x576.webp?resize=678%2C381&ssl=1)
နောက်ထပ်ပြင်းအား ရစ်ချက်တာစကေး (၉.၁) မဂ္ဂနီကျူအထိရှိခဲ့တဲ့ ငလျှင်တစ်ခုလည်း ၁၉၅၂ ခုနှစ်တုန်းက ဆိုဗီယက်ယူနီယံနိုင်ငံအတွင်းမှာ လှုပ်ခတ်ခဲ့ပါသေးတယ်။ အဲ့ဒီ ငလျှင်ကိုတော့ Severo-Kurilsk ငလျှင်လို့အမည်ပေးခဲ့ကြပါတယ်။ shwekhitonlinetv.com
၆။ Maule Earthquake
![](https://i0.wp.com/www.shwekhitonlinetv.com/wp-content/uploads/2023/03/Maule-Earthquake-1024x678.webp?resize=678%2C449&ssl=1)
ချီလီနိုင်ငံ ရဲ့ Maule ဆိုတဲ့ပြည်နယ်တစ်ခုကတော့ ဆူနာမီဒဏ်၊ ငလျှင်ဒဏ်တွေနဲ့ ရင်းနှီးနေတဲ့ ဒေသဖြစ်ပါတယ်။ ၂၀၁၀ ခုနှစ်တုန်းက ခံစားခဲ့ရတဲ့ ငလျှင်ကတော့ ရစ်ချက်တာစကေး (၈.၈) မဂ္ဂနီကျုအထိရှိခဲ့ပြီး အပျက်စီးအဆုံးအရှုံးအတော်လေးများခဲ့တယ်လို့ သိရပါတယ်။ shwekhitonlinetv.com
၇။ Ecuador-Colombia Earthquake
![](https://i0.wp.com/www.shwekhitonlinetv.com/wp-content/uploads/2023/03/Ecuador-Colombia-Earthquake-1024x576.jpg?resize=678%2C381&ssl=1)
၁၉၀၆ ခုနှစ်တုန်းက အီကွေဒေါနိုင်ငံ နဲ့ ကိုလံဘီယာနိုင်ငံအနီးက ကမ်းလွန်နေရာမှာလှုပ်ခတ်ခဲ့တဲ့ ငလျှင်တစ်ခုကလည်း ပြင်းအားရစ်ချက်တာစကေး (၈.၈) မဂ္ဂနီကျုအထိရှိခဲ့ပါတယ်။ ဒီ ငလျှင်ကြောင့်ဆူနာမီလှိုင်းတွေပါဖြစ်ပေါ်ခဲ့ပြီး လူဦးရေ (၅၀၀) ထက်မနည်း အေ-သ အပျောက်ရှိခဲ့ပါတယ်။ shwekhitonlinetv.com
၈။ Rat Islands Earthquake
![](https://i0.wp.com/www.shwekhitonlinetv.com/wp-content/uploads/2023/03/150426155313-02-deadliest-earthquakes-0426.jpg?resize=678%2C381&ssl=1)
အမေရိကန်နိုင်ငံပိုင်နက်အတွင်းမှာပါပြီး ဘာရင်ပင်လယ်ပြင်အတွင်းမှာရှိတဲ့ Rat Islands မှာတော့ ၁၉၆၅ ခုနှစ်ကပြင်းအား ရစ်ချက်တာစကေး (၈.၇) မဂ္ဂနီကျုရှိတဲ့ ငလျှင်တစ်ခုလှုပ်ခတ်ခဲ့ပါတယ်။ ဒီငလျှင်က ကမ္ဘာပေါ်မှာ အဋ္ဌမ မြောက်အပြင်းဆုံးငလျှင်ဖြစ်ခဲ့ပါတယ်။ shwekhitonlinetv.com
၉။ Assam-Tibet Earthquake
![](https://i0.wp.com/www.shwekhitonlinetv.com/wp-content/uploads/2023/03/Assam-Tibet-Earthquake-1024x576.jpg?resize=678%2C381&ssl=1)
အိန္ဒိယနိုင်ငံနဲ့ တရုတ်နိုင်ငံတို့အဓိက ခံစားခဲ့ရတဲ့ အင်အားပြင်းငလျှင်တစ်ခုကတော့ ၁၉၅၀ ခုနှစ်မှာလှုပ်ခတ်သွားခဲ့ဖူးပါတယ်။ ဒီ ငလျှင်ကို Assam-Tibet Earthquake လို့အမည်ပေးခဲ့ပြီး ပြင်းအားကတော့ ရစ်ချက်တာစကေး (၈.၆) မဂ္ဂနီကျုဖြစ်ပါတယ်။ shwekhitonlinetv.com
၁၀။ Indian Ocean Earthquake
![](https://i0.wp.com/www.shwekhitonlinetv.com/wp-content/uploads/2023/03/Indian-Ocean-Earthquake.jpg?resize=678%2C382&ssl=1)
အိန္ဒိယသမုဒ္ဒရာထဲမှာ ၂၀၁၂ ခုနှစ်တုန်းကလှုပ်ခတ်ခဲ့တဲ့ ငလျှင်တစ်ခုကတော့ ပြင်းအား ရစ်ချက်တာစကေး (၈.၆) မဂ္ဂနီကျုရှိခဲ့ပြီး အဲ့ဒီငလျှင်ဒဏ်ကိုခံစားခဲ့ရတာကတော့ အနီးဆုံးမှာရှိတဲ့ အင်ဒိုနီးရှားနိုင်ငံဖြစ်ပါတယ်။ shwekhitonlinetv.com
Shwe Khit Online TV မှရေးသားတင်ဆက်ပါသည်။ယခုဆောင်းပါးကိုတခြားပေ့ချ်များတွင်ကျေးဇူးပြု၍ကူးယူဖော်ပြခြင်းမပြုရန်မေတ္တာရပ်ခံအပ်ပါသည်။